امين عبد الله
اعتاد (السيد شهيد)ان يشتري دواء الضغط والسكر من صيدلية ابن جارهم، القريبة..ولكنه مع الوقتكثر من زياراته للصيدلية
، مرة بحجة (شراب السعال)واخرى ل(مرهم للرجلين)وثالثة ل(دمع العيون)..وهكذا مع الوقت، اصبحزبونا دائما له كرسيه الخاص بين رفوف الادوية،وحول الصيدلية الى جايخانة( مقهى)..المشكلة هي انهغير راض عن اي شيء,ولا عن اي احد ، لهذا لا يتعب من التعليقات المقيتة..!
_شنو حمدية، تاخذ حبوب منع الحمل؟ بعديش..بعد ما جابت سبع هتلية؟!!
ويرد عليه الشاب الصيدلاني، ببرود..
_لا..رادت (كريم مرطب للايدين)
_ها هيجي..!
..كان الشاب يجيب على الشيخ العجوز، استحياءا واحتراما، في البداية،ولكنه بعدما ضاق ذرعا به ، صاريعامله باهمال، واحيانا يرده بغضب..
_هاي شبيهه بنت فضيلة؟ شرادت؟!..يسال الشيخ..
_لا..ال..يوجعهه راسهه.!
_يوجعهه راسهه؟! طبعا اذا هية هاجة بالشوارع..كعدي وسمطي ببيتج وسويلج كاس حامض ويتعدلراسج..صح لو مو صح؟
_يعني ما تريدنه نبيع حجي؟
_طبعا..بس هاي حوبة السادة..همه حتى الزيارة يرحولهه من ورة خشومهم..!
..وعلى هالرنة، تمضي الفصول ،حتى جاء يوم الحسم،وعلق..
_وهذا شبيه ابن الاحيمر..شراد؟
_دوة نشلة(زكام)..
_ابن الكافر، ابيعله سم،واخلص من شكوله..
_عيب حجي، شنو هالتعليق؟خللي الناس بحالهه..
..سكت الشيخ لحظات، ثم نب..
_زين وهاي ام سن الذهب،بدرية؟ بيش مريضه؟!
..فرده الشاب بنفاذ صبر..
_مو لازم اكلك كلشي حجي ، هاي اسرار الناس..طبعا يتمرضون ويتعالجون..
_اسرار الناس؟!
_اي طبعا،واني حالف يمين، على اسرار مهنتي، وانت تريدني اشرحلك كل واحد وشبي وشعنده، مايصير.. ارجوك..!
_خوب كول لا تجي لعندي بعد وفضهه..
بلغ الشاب منتهى غضبه، فصرخ..
_والله تسوي علي وعلى نفسك فضل..لان كاعد تاخذ غيبة الناس..روح..روح للكهوة ،للمسجد..وخل..صن..ه
_شفت؟ عبالي بيك خير، بس طلعت انكس من ابوك..ابوك حتى صلاة ما يصلي..تف على هيج ملة..!
..غادر الشيخ الصيدلية، تتبعه عين الشاب الصيدلاني,وهو يقول في سره..
_هاي فوكهه؟..!بس، لا تنسه ( درب الجلب عالكصاب..!)
