الخرزه

فاضل شناشيل

هوایه ناس ایگولون هاي شایله ( خرزه ) .. لو هذا شایل خرزه من کثر البخت والحظ النازل علیهم ..
چانت لیلی گاعده بالعگد الوراني من دربونتنا التسابیل اتزوجت اربع مرات ، تطلگ من هذا تلگاها اخذت واحد جدید مسلفن وتطلگ منه یاخذها غیره بالعجل لازم سره وتطلك منه تزوج اللاخ …
مبخوته اسم الله علیها وبصراحه ما چانت حلوه بس ام لسان آني وچراویتي نموع کدامها من تفتح صدرها اللهاب بشهر اب ويريدن ينفجرن ابوجهي و ابوجه كل صهيوني ذليل .. مو صدر عادي فدوات ملمسه الصافي الدافي .
………
الحکایه الثانیه ..
بهولندا گبل عگود من الزمن چانت جارتي مارلین حاطه خرزه فوگ لسانها وآني فضولي لازم اعرف علویش هالخزره فوگ لسانها ، طبعا الضحک واصل لابو موزه بالگعدة . گالت اتضل غشیم ؟!! هاي علمود باللیل من اخلي ( الشسمه ) مال حبیبي ابحلگي تثیر شهیته واتهیج اعصابه … انا اخو موزه علی هالدگه ..
……
الحکایه الثالثه
بعد سنین طویله صار مودیل الاوربیات بعضهن مو کلهن ایحطن ترجیه لو خرزه یم ( الشسمها ) مالتها . یابه علویش هالمودیل الجدید هالمره ؟ وشنو فوایدها العلمیه والنفسيه .بالله الترچیه یم الصره افتهمناها بس یم ( الشسمها ) علویش ؟! شنو كل كشه و ينزل موديل ؟ من الاذانات الى اللسان ومن اللسان الى الصره وهالمره بعد ليجوه ؟؟ گالن هاي علمود تثیر شهیه الرجال ویظل بلسانه یثیر احساس الخانم …
…….
الحکایه الرابعه
النائبه عالیه نصیف مدري منو انتخبها وایگولون صعدت بالدوره الجدیده مره صارت ویا المالکي مالکیه صرف بعد ما شمرت بطل الماي علی کاکا شوان مدري حمه سعید وصارت نجمه مسلسلات ابو الشو ومره طبگت ویا ایاد علاوي وصارت علوکیه وصاحت نعم للعلمانية وكلا للعمامه ، ومره صارت جعفریه طبگت ویا البروفسور برهوم الجعفری وشایله خمس فایلات تهدد بیهن حرامیه العقارات والبیوت وتالیها ضمتهن وسوتهن ورق تواليت . و آخر مره صارت حلبوسیه طبگت ویا الحلبوسي ولمت تواقیع ترشیحه للبرلمان وخلتهن بیدها بالصندوگ الاسود لليوم الابيض ..
بس گولولي وین شایله الخرزه هاي ؟
معقوله برلماننا يحبون اللحس ؟