فاضل شناشيل
هاشمية چان کل حلمها اتصیر مهندسه ، اتگول علمود اطور القریه مالتنا . والله ونجحت بمعدل منتاز ٥٢ وقبلوها بکلیة الزراعه والبستنة والارواء وانا الفلاح ازرع ارضي . لبست قبقاب ایطگطگ بالشارع وتنورتها اشویه طویل …
گبل ما تتخرج اب چم یوم طلب منها الاستاذ ان تسوي لقاء مع فلاح لو تقریر مفصل عن الفلالیح لو عن السماد لو عن تراكتور عنتر ٧٠ .
لبست القبقاب و راحت لمزرعه جدعان وأول ما شافته گالت .
ـ اخي الفلاح ممکن سؤال ؟
ـ یا هو ؟
ـ آني الطالبه هاشمیه ومطلوب مني تقریر عن الوضع الفلاحي .
ـ و چا شنهي سؤالچ ؟
ـ السؤال الاول انت شتوکل الابقار مالاتك ؟
ـ یاهی منهن البیض لو الحمر ؟
ـ البیض
ـ البیض اوکلهن جت .
ـ والحمر ؟
ـ والحمر هم اوکلهن جت .
ـ طیب وین سکن الابقار ؟
ـ یاهی منهن البیض لو الحمر ؟
ـ البیض .
ـ البیض ینامن بالزریبه .
ـ والحمر ؟
ـ والحمر هم اسکنهن بالزریبه .
ـ طیب شلون تنظفهن ؟
ـ یاهی منهن البیض لو الحمر ؟
ـ البیض . البيض ، البيض .
ـ البیض اغسلهن بالماي .
ـ والحمر ؟
ـ والحمر هم اغسلهن بالماي .
ـ گلت شسمك ؟
ـ جدعان .
ـ جدعان شنو سالفتك ؟ کلما اسئلك تجاوبني یاهي منهن وبعدین تطلع تعاملهن نفس الشی ؟
ـ مو ،، البقر البیض مالاتي .
ـ أها ، والحمر ؟؟؟
ـ والحمر هم مالاتي ..
………
دتضحکون مو ؟
المهم هاشمیه تخرجت ولبست عباية الکلیه وصورتها بالطرمه ود تفکر تسوي مزرعه بس مصطوره اشویه من ورا جدعان … شوفولها چاره ….
