مكتبة تنشر المعرفة في قرى كركوك

رجب عاصي الكاكائي، بجهود ذاتية أنشأ مكتبة في
قريته علي سراي في محافظة كركوك بسنة 2003 .
الهدف من هاي المكتبة نشر الثقافة والمعرفة
بالقرية بالإضافة لاقامة أمسيات شعرية ونشاطات
فنية وادبية، بسنة 2014 ويا هجوم داعش على
مناطق قريبة من المكتبة اغلقت، وتم نقلها الى
قرية رزكاري.
يقول رجب «كلش فرحت واني اشوف فرحة الناس
واقبالهم على المكتبة برزكاري خصوصاَ طاب
الدراسات لان بيها هواية مصادر تفيدهم بالدراسة .»
اما بأنتشار جائحة كورونا فتقول هانا رضا، 27
سنة طالبة ومن رواد المكتبة «من حسن حظي
ان المكتبة بقريتي ساعدتني هواية خال عزلة
كورونا وقرار منع التجوال وخصوصاً اني بسنة تخرج
وامامي تحدي كبير شلون اوفر مصادر لبحث التخرج
فالمكتبة هي الحل الي انقذني وجبت جيد جداً .»
ويضيف رجب «المكتبة لحد 2014 بيها اكثر من 3
الاف كتاب واقمنا اكثر من 30 نشاط ثقافي بيها،
زرانا من هواية محافظات وشاركوا بهاي النشاطات،
بعد نقلها لقرية رزكاري صرت ازورها باستمرار واي
كتاب اشتري بعد مااقراه اودي تبرع للمكتبة الي
تعمل على نظام الاستعارة، ومسؤولين عنها 2 بنات
و 3 شباب كلهم مهتمين بالقراءة ونشر الثقافة
والسام بقريتهم .