اسمي شهد من ديالى،مواليد 1995 ، خريجة كلية الفنون
الجميلة.
من صغري واني احب الرسم، انولدت و ويايه موهبة الرسم،الى
ان وصلت للسادس وانشغلت بالدراسة وتركت الرسم.
بعد مانجحت وبمعدل 75 بالمية دخلت كلية الفنون، رغم الي
كال متفيدج والي كال مابيها مستقبل،بس بدعم من اهلي
وتشجيعهم مافكرت ادخل اي كلية غيرها.
اجمل 4 سنوات من عمري كانت بهاي الكلية، استغليت كل
دقيقة بيها واتعلمت وطورت موهبتي،واساتذتي جانوا داعمين
الي واتبنوا موهبتي.
اول معرض شخصي الي جان واني بالمرحلة الثالثة، بعد تخرجي
ولان جنت الثانية على الكلية عملت بصفة عقد )محاضرة( في
نفس كليتي لمدة سنتين.
خال هذه السنتين بديت ارسم وابيع لوحاتي حتى تساعدني
بالمصاريف لان اجور العقود جانت قليلة، حبيت اعتمد على
نفسي،وشفت الناس حبوا رسوماتي شجعني هالشي افتح بيج
خاص بطلبات الرسم ، وبعد السنتين وبتوفيق من الله اتعينت
على وزارة التربية كمدرسة )ضمن تعينات الاوائل( وهذا كان رد
على انه الكلية مابيها مستقبل.
رسالتي لكل شاب وشابة »المستقبل احنا نصنعه وبكل مكان
لابد اكو فرصة بس لازم نجتهد ونتعب وناخذ الامور بجدية
اكثر.